Morgunblaðið fjallaði um Kærleikskorn og birti mynd af Jane Telephonda-hreyfingunni í öllu sínu veldi á baksíðunni sunnudaginn 18. október 2026.

Myndin var tekin í Laugardalnum og á henni sést hesturinn taka ákveðið á rás í áttina að Húsdýragarðinum, eins og hann viti hvert hann sé að fara. Hugsanlega hefur hann runnið á lyktina af örvæntingarfullum bræðrum sínum og systrum í þessari óhugnanlegu dýraprísund Reykjavíkurborgar sem garðurinn er.

Önnur platan okkar á árinu 2026, Kærleikskorn, er komin út.

Á henni eru 16 lög af Boson of Love og We Are the Music, í glænýjum íslenskum búningi. Þar með má segja að íslenskuvæðing Jane Telephonda-hreyfingarinnar sé fullkomnuð, eða því sem næst.

Nýju textarnir eru eftir Albert Þorbergsson gítarleikara (Kærleikskorn, Hátt á lofti, Ljósadýr, Ég óttast aldrei og Hátt látt' í þér heyra), Ásdísi Rósu Þórðardóttur söngkonu (Beiskjan, Líf er ást), Grétar Má Ólafsson hljómborðsleikara (Veiðiferð, Prestakall), Hólmstein Inga Halldórsson trommuleikara (Horfðu í spegilinn, Umlukin ljósinu), Pétur Þór Sigurðsson gítarleikara (Skrekkurinn), Rafn Jóhannesson píanóleikara (Sleppum takinu) og Ívar Pál Jónsson gítarleikara (Komdu með mér, Já Rósa, Senefelderplatz).

Lagalistinn Kærleikskorns:

1. Kærleikskorn (Boson of Love)
2. Komdu með mér (Come With Me)
3. Horfðu í spegilinn (Love Will Make You Whole)
4. Umlukin ljósinu (Into the Light We Go)
5. Já Rósa (Dear Rosa)
6. Hátt á lofti (From the Rooftop)
7. Skrekkurinn (Weight of Flowers)
8. Senefelderplatz
9. Beiskjan (Transmuted Saltness)
10. Veiðiferð (Chicken in the Sky)
11. Ljósadýr (Leather Unicorn)
12. Sleppum takinu (We Are the Music)
13. Ég óttast aldrei (No Reason)
14. Líf er ást (Life Is Love)
15. Prestakall (Rabbit in the Underground)
16. Hátt látt' í þér heyra (Sing from the Mountain)

Hér er platan á Spotify.