Lyrics

Ég lít í eigin barm
Og fæst við skrekkinn minn.
Djúpur dalurinn,
því er ég hér á ný?

Kvíðinn kreistir hjartað,
Fítonskraftar á
Mína fölu sjálfsmynd,
Skjálftinn tekur völd.

Þvalir lófarnir,
þetta er víst alltaf eins.

En ég veðra storminn,
Beisla formið, svo
Listin taki völdin.
Kvíðinn fældur burt.

Hér á meðal vina
Töfrar tifa, svo
Fagrir hljómar óma,
Tíminn stendur kyrr.

Ætla ekki að blekkja neinn,
þetta verður aftur eins.